Gzetari Mero Baze ka ironizuar vizitën e Lulzim Bashës në stendën e Ben Blushit tek panairi i librit, për të blerë librin e këtij të fundit. Baze iu përmend atyre aferën e inceneratorëve dhe sipas gazetarit pagesa që merr një fitues i çmimit “Nobel” është 1 milion euro, ndërsa pagesa nga inceneratorët është 2.5 milionë euro.
Ndaj, ai deklaron se Ben Blushit inceneratorët i vlejnë më shumë sesa libri dhe me ironi thekson se e ka më të leverdishme që të merret me plehrat.
“Dikush t’i thotë kësaj agjencisë së marketingut që propozon librin e Blushit për Nobel se pagesa për Nobel është 1 milion euro, kurse pagesa nga inceneratorët 2.5 mln euro. Ka më leverdi të merret me plehra”, shkruan gazetari në rrjetet sociale.
