Me barazimin ndërmjet Sassuolo dhe Atalanta, Interi arriti të ndërpresë dominimin e Juventusit që kishte zgjatur që nga viti 2012. Është trajneri Antonio Conte ai që ktheu titullin e kampionit te Inter Milan. Një titull që mungonte që nga viti 2010, viti i trefishimit të Mourinhos.
Interi është kampion italian për herë të 19-të në historinë e tij: skuadra e Antonio Conte fitoi një Scudetto që mungonte që nga viti 2010, vit në të cilin zikaltërit ishin të udhëhequr nga José Mourinho. Interi u shpall sot kampionë Italie, katër javë përpara fundit të sezonit. Titulli i 19-të në histori, një më shumë se kuqezinjtë e Milanit, teksa trofeu i madh mungonte prej 11 vitesh në Milanon zikaltër.
Tifozët e Interit, të cilët e prisnin këtë festë prej më shumë se një dekade, kanë zbarkuar në sheshin Duomo. Festë, thirrje për ekipin e zemrës, teksa nuk mungoi edhe kori i famshëm “kush nuk kërcen është kuqezi“, duke iu referuar “armiqve” të Milanit.
