Presidenca dhe Këshilli i Emërimeve në Drejtësi kanë nisur një luftë në distancë, për vendin vakant në Gjykatën Kushtetuese.
Presidenti Ilir Meta nuk e njeh kandidaturën e Arta Vorpsit.
Kreu i Shtetit ditën e djeshme dekretoi Marsida Xhaferllarin për postin e Vorpsit, duke lënë të nënkuptohet se nuk do ta dekretojë këtë të fundit.
Mirëpo Vorpsi nuk ka humbur kohë dhe ka bërë betimin te noterja si anëtare e Gjykatës Kushtetuese.
Megjithatë Vorpsi nuk mund të fillojë punë në Kushtetuese, pasi Kushtetuta e thotë qartë, që betimi bëhet në Presidencë.
Menjëherë ka ardhur reagimi nga Presidenca, nëpërmjet zëdhënësit të Metës, Tedi Blushit.
Ky i fundit nëpërmjet një postimi në rrjetet sociale është shprehur, se Meta nuk ndalon askënd të betohet te noterja apo parkuierja.
“Të dashur gazetarë, Lidhur me pyetjet tuaja për një lajm qesharak që qarkullon në media, dua t’ju sqaroj se: Presidenti i Republikës Sh.T.Z Ilir Meta nuk ndalon askënd të betohet as tek noterja, as tek parukierja. Presidenti Meta është betuar me dorë mbi Kushtetutë dhe për të Shqipëria dhe shqiptarët janë të parët.🇦🇱” shkruan Tedi Blushi.
