Edi Rama u pyet sot në konferencë për çështjen e inceneratorit në Durrës, dhe nëse ishte në dijeni se nënkryetarja e Bashkisë ishte kërcënuar pikërisht për këtë çështje.
Kryeministri nuk përmendi fare aferën korruptive që është zbuluar për këto inceneratorë, por u mor me pyetjen që iu drejtua, dhe me faktin se pse kreu i opozitës, Lulzim Basha, e ka ngritur zërin për këtë çështje.
Rama u shpreh se Lulit do i publikojë dokumente, dhe gjithashtu tha se meriton t’ia japë ndonjë shpullë, një herë në muaj kur e meriton, sepse është shprehje e dashurisë.
‘Ja si bëhet lajmi në Shqipëri, e thotë Luli, e publikon Çimi, e pyet Ambrozia dhe unë përgjigjem, ndërkohë që pyetje është të paktën a ka ndonjë të vërtetë në dijeninë tuaj që atë e kanë kërcënuar dhe pyetja bëhet a jeni në dijeni që e kanë kërcënuar. Kështu bëheni të gjithë ju dhe pastaj më thoni çfarë ke ti me Metën, s’kam asgjë me Metën. Realisht është problem dhe para se Taulanti të përgënjeshtrojë ato që thotë Syri dhe rezultojnë negative për qeverinë, po ju them këtë më ndiqni sonte te Fevziu lidhur me çështjen e plehrave. Përtej batutave dhe përtej shpjegimeve më ndiqni se sot do t’ju ndriçoj me dokumenta, pse është i shqetësuar Luli. Më vjen keq për Lulin, e dua shumë, por ndonjëherë ndonjë shpullë kur e meriton duhet t’ja japësh se është kusht për dashurinë”, u shpreh kryeministi.
/GazetaReforma.com/
