Kryeministri Edi Rama ka reaguar për herë të parë pas helmimit masiv të qytetarëve në Krujë, nga uji i pijshëm. Sipas Ramës, të bësh investim dhe të sigurosh që uji është në parametrat e duhura janë dy gjëra të ndryshme, ndërsa shtoi se qeveria ka bërë investim për sistemin e ri. Rama tha se ndërmarrja ka përgjegjësitë e veta, ndërsa çështja është në hetim.
“Të bësh investimin dhe të sigurosh që uji është në parametrat e duhura janë dy gjëra të ndryshme. Qeveria ka bërë investimin për sistemin e ri. Ndërmarrja ka përgjegjsitë e veta. Kjo është në hetim . Është njësoj si të thuash që pas ndërtimit të një rruge të re janë rritur aksidentet”, deklaroi Rama.
Qindra qytetarë u helmuan nga uji i pijshëm në Krujë dhe përfunduan në spital me të vjella, dhumbje barku, temperaturë etj. Nga analizat e kryera rezultoi se uji kishte ngarkesë akteriale të Escherichia Coli dhe Streptokokut Fekal.
Ironia qëndron te fakti se bëhet fjalë për të njëjtin ujësjellës që Rama e inauguroi me gjithë zell gjatë fushatës elektorale, madje në mënyrë demostrative piu edhe vetë ujë për të vërtetuar se është i sigurt. Ndërkohë, që sot e kundërta rezulton e vërtetë, Rama heq përgjegjegjësitë për sigurimin e ujit të pijshëm ndaj qytetarëve dhe sipas tij mjafton vetëm ndërtimi i infrastrukturës.
