Identifikohen dy të miturit që torturuan dhe vranë një këlysh qeni në lagjen “Guri i Bardhë” të Urës Vajgurore.
Të miturit janë Flori Memaj, i cili shihet në video me bluzë të kuqe duke hedhur këlyshin në ujë, dhe Ergys Dodoveci me bluzë të bardhë, i cili më pas e godet me thikë.
Këlyshi i pafajshëm hidhet nga disa metra lartësi në ujë dhe më pas theret me thikë.
Për fat të keq, kafsha nuk i ka mbijetuar plagëve të marra nga ky akt mizor.
Megjithatë, sipas burimeve lokale, policia nuk ka ndërmarrë asnjë veprim ndaj autorëve, ndërsa dyshohet se çështja është mbyllur me ndërhyrje dhe korrupsion.
Gjithçka është filmuar nga vëllai i tij, Ersiled Dodoveci. Të dy vëllezërit janë banorë të lagjes dhe ish-nxënës të shkollës 9-vjeçare “Sali Gjuka”, ndërsa Flori Memaj ndodhej për pushime në Urë Vajgurore, pasi jeton me familjen në Sarandë.
