Ndryshe nga se si jemi mësuar ta shikojmë, mëngjesin e sotëm kreu i Partisë së Lirisë Ilir Meta ka rrëfyer aspekte të jeëts së tij, i “zhveshur” nga kostumi zyrtar i nëj politikani. Për emisioni “7 pa 5”, Meta treguar mbi fëmijërinë e tij, ku ndër të tjera shprehet se së bashku më shokët shkonin fshehurazi nga Liqeni, i cili në atë kohë ishte një nga vendet më interesante për to, duke marrë në konsideratë se sa e kufizuar ishte mundësia për të shkuar në Durrës. Madje ai shton se prindërit me frikën se mos mbyteshin, ishin të rreptë tek kjo pjesë duke mos i lejuar të shkonin te Liqeni, veprim të cilin detyroheshin ta bënin pa dijeninë e tyre.
“Liqeni padyshim që së pari ka kujtime për çdo fëmijë që ka jetuar në Tiranë, para viteve 90 ku mundësia për të ikur në Durrës ishte shumë e kufizuar edhe ku pothuajse të gjithë fëmijët dhe të gjithë çunat dilnin nga liqeni. Dhe unë kam një rast shumë interesant kur vija me çunat e lagjes sime këtu Pazarit të Ri dhe më vodhën dhe këmishën dhe u zbulova në shtëpi që kisha qenë të liqeni. Pasi prindërit gjithmonë më thoshin mos shko te liqeni se atje mbytën fëmijët, edhe unë I thosha që po shkojmë tek pallati i Pionerëve edhe u kuptua që kisha qenë tek liqeni”, shprehet Meta.
