Këtë të diel Policia italiane në bashkëpunim me Europolin ka arrestuar 4 persona mes të cilëve një 36-vjeçar shqiptar dhe një ish-futbollist profesionist nga Italia. Ky grup kriminal akuzohet për një ngjarje të ndodhur në Acilia ku ka mbetur i plagosur me armë një 45-vjeçar. Ato akuzohen për tentativë vrasjeje. KArabinierët kanë konsideruar këtë atentat si i mirëorganizuar dhe shënjestra ka shpëtuar për mrekulli plumbave dhe Gjykata e Romës ka kohë që kishte lëshuar urdhër-arrestet për të arrestuarit e sotëm.
Sipas dosjes së prokurorisë e cila ka rindërtuar ngjarjen e tetorit të vitit 2020, ku 45-vjeçari u tentua të eliminohej për shkak të pazareve të trafikut të drogës, ka rezultuar gjithashtu se personi ndaj të cilit është bërë atentat është arrestuar në vitin 2017 për shkak se ishte kapur me kokainë.
Ai kërkonte çdo muaj nga autori i atentatit rreth 1000 euro (në total rreth 40 mijë euro) , si kompensim për ruajtjen e drogës për llogari të personave të tjerë.
Për këtë arsye, personi që ishte viktimë e zhvatjes së 45-vjeçarit kishte vendosur ta eliminonte atë. Policia arrestoi edhe vetë 45-vjeçarin që i shpëtoi atentatit dhe mbeti i plagosur.
Ndaj tij është ngritur akuza e shantazhit dhe zhvatjes. Dy nga 4 personat që dyshohen të jenë të përfshirë në tentativën e vrasjes është një 34-vjeçari italian, ish-futbollist profesionist.
Atij i janë gjetur edhe 27 kilogramë kokainë. Gjithashtu edhe një 36-vjeçar. Të katër personat janë lënë në burg pasi akuzohen edhe për përfshirje në trafikun e drogës dhe me lidhje mafioze.
