Ditën e djeshme u përfol në media, se bashkëshorti i një deputeteje socialiste, ishte njëri nga mjekët që i shërbyen 73-vjeçares, e cila ndërroi jetë nga koronavirusi në spitalin e Durrësit.
“Dosja.al” shkruan, se bëhet fjalë për bashkëshortin e deputetes Klodiana Spahiu.
Për fat të mirë përgjigja e analizave të saj dhe të bashkëshortit kanë rezultuar negative.
Ministria e Shëndetësisë njoftoi ditën e sotme, se njëri nga mjekët që i ka shërbyer 73-vjeçares, rezultoi pozitiv me koronavirus.
Për momentin ai ndodhet në shtëpi i vetëkarantinuar, pas përgjigjes së testit të parë.
Në total numri i të infektuarve në vendin tonë ka shkuar në 33, ndërsa është shënuar edhe një viktimë.
Përveç Tiranës, vatra e koronavirusit është zgjeruar në Durrës, Lushnje, Rrogozhinë dhe Elbasan
Prej dy ditësh në rrugë kanë zbritur ushtria dhe policia, të cilat po mbikëqyrin zbatimin e urdhërit të qeverisë për ndalimin e qarkullimit të makinave private.
Deri më tani janë ndëshkuar mbi 500 shoferë, të cilët nuk kanë pranuar të zbatojnë urdhërin.
Më herët ndërkohë janë mbyllur lokalet, shkollat, call center-at, fasoneritë dhe janë pezulluar të gjithë aktivitetet publike.
