Një 40-vjeçar ka ndërruar jetë në shtëpinë e tij në Durrës, ndërsa familjarët kanë denoncuar mjeken që i ofronte trajtimin mjekësor, duke e akuzuar për mjekim të pakujdesshëm.
Për këtë arsye, policia ka nisur hetimet për mjeken P. K., 47 vjeçe, e cila akuzohet për veprën penale “Mjekim i pakujdesshëm”.
“Shijak – Specialistët për Hetimin e Krimeve në Komisariatin e Policisë Shijak proceduan penalisht për veprën penale “Mjekim i pakujdesshëm”, shtetasen P. K., 47 vjeçe, banuese në Durrës, me detyrë mjeke në Spitalin Rajonal Durrës.”, thuhet në njoftim.
Kujtojmë se mëngjesin e sotëm Covid-19 i mori jetën mjekut Geron Hysi në moshën 50 vjeçare. Husi ka punuar si mjek endokrinolog në Qendrën Spitalore Universitare “Nënë Tereza”.
Lajmi i trishtë është bërë publik nga mjeku Tritan Kalo, me anë të një mesazhi prekës në Facebook, ku edhe shpreh ngushëllimet për kolegun e tij.
Njoftimi i policisë:
Shijak – Specialistët për Hetimin e Krimeve në Komisariatin e Policisë Shijak proceduan penalisht për veprën penale “Mjekim i pakujdesshëm”, shtetasen P. K., 47 vjeçe, banuese në Durrës, me detyrë mjeke në Spitalin Rajonal Durrës.
Për këtë shtetase ka bërë kallëzim shtetasi E. M., 31 vjeç, pasi dyshohet se ka mjekuar në mënyrë të pakujdesshme vëllanë e tij, shtetasin E. M., 40 vjeç, i cili ka ndërruar jetë në banesë.
Grupi hetimor vijon punën për zbardhjen e plotë të rrethanave të ngjarjes.
Materialet i kaluan Prokurorisë, për veprime të mëtejshme.
