Ditën e djeshme një ngjarje e rëndë ndodhi në Berat, ku punonjësi i Drejtorisë së Bujqësisë në Bashkinë e qytetit, 46-vjeçari Shkëlqim Metkaj u rrëzua për vdekje teksa po priste një pemë pranë bregut të lumit Osum.
Mediat kanë publikuar pamjet nga momenti i rëndë kur 46-vjeçari Metkaj, i pasiguruar me litarë, humbet ekuilibrin dhe bie nga lartësia e madhe duke humbur kështu jetën.
Në video shihet se si në një moment gjysma e pemës rrëzohet duke humbur edhe ekuilibrin e 46-vjeçarit që ishte pa mjetet e duhura dhe pa masat mbrojtëse.
Në lidhje me këtë ngjarje ka arrestuar ditën e sotme 31-vjeçari Karafil Bregu, inxhinier pyjesh në Berat.
Arrestimi i tij u bë pasi nuk ka marrë masat e mbrojtjes në punë për punëtorët si dhe nuk ka qenë prezent gjatë punës ku u rrëzua punonjësi.
Bëhet me dije se opunonjësi i Bashkisë u rrëzua nga pema rreth orës 16:40 në vendin e quajtur “Ura e Goricës”.
