Një alarm për sulm terrorist është përhapur në Itali.
Forcat e rendit kanë bërë publike një komunikatë, ku flitet për rrezikun nga një sulm terrorist si ai i Bataclan në Francë.
Në të gjithë Italinë ka nisur kërkimi për dy terroristë potencialë me nënshtetësi shqiptare.
Sipas mediave italiane, njëri prej tyre është 46-vjeçari Battar Nabiyla, i njohur edhe me identitetet Maximilian Defilade ose Bardhyl Hoxha.
Tjetri ndërkohë është Bujar Hysa, i moshës 40-48 vjeç.
Që prej mbrëmjes së djeshme autoritetet italiane kanë filluar kontrolle të rrepta.
Kujtojmë këtu se sulmi në Bataclan ishte një nga tre aktet terroriste që shkaktuan në total 130 viktima në nëntor të 2015-ës.
Autor të sulmit ishin anëtarët e një celule terroriste belgo-franceze, pjesë e ISIS.
Artikullin origjinal mund ta lexoni këtu.
