Gjykata e Tiranës ka dënuar Axel Hoxhaj me 18 vite burg për vrasjen e 20-vjeçarit Stiven Toshkesi.
Ngjarja ka ndodhur më 18 prill, rreth orës 00:15, në rrugën “Skënder Sallaku” në kryeqytet, pranë gjimnazit “Partizani”.
Gjithashtu, i riu Ensi Maze, i pranishëm gjatë krimit, është shpallur fajtor për moskallëzim krimi.
Viktima dhe Hoxhaj kishin një konflikt të vazhdueshëm për një vajzë.
Ky konflikt kishte përfshirë dy grupet shoqërore të të dyve, të cilët përdornin informacionet për të ndjekur njëri-tjetrin dhe për të gjetur vendndodhjet.
Takimi mes tyre në natën e 18 prillit u konsiderua si rastësor nga gjykata.
Rreth dy javë më parë, 20-vjeçari kishte rrahur Hoxhajn, pasi ai kishte ngacmuar të dashurën e tij.
Ata u takuan për t’u sqaruar, dhe gjatë kësaj kohe Hoxhaj e goditi Toshkëzin me një thikë në pjesën e brinjëve, duke shkaktuar vdekjen e tij.
