Pak ditë më parë në media, u denoncuan rastet kur koshat e plehrave në Durrës nuk ishin prekur me dorë për disa ditë me radhë nga punonjësit e Bashkisë.
Mbyllja e vend-depozitimit të Porto Romanos, ka bërë që mbetjet e Bashkisë Durrës të dërgohen në Manzë për djegien e mbeturinave.
Plehrat janë hedhur pranë qendrave të banuara, duke “helmuar” ajrin e banorëve të zonës mbrëmjen e djeshme, duke rrezikuar seriozisht shëndetin e tyre.
Edhe mbrëmjen e sotme banorët e Durrësit kanë vijuar protestën që e kishin paralajmëruar dy ditë më parë.
Ata janë mbledhur në qendër të qytetit, para Bashkisë, ku kërkojnë zgjidhjen e problemit të mbetjeve, teksa gjatë protestës ata kanë mbajtur në duar dhe pankarta, ku në një oprej tyre shkruhej “I kishim mirë plehrat vetëm në parlament pse na i nxorrët edhe rrugëve?”.
https://streamable.com/ag3944
Qytetarët edhe dy ditë më parë protestuan dhe në Manëz, në vendi ku po digjeshin mbetjet dhe arritën që të frenonin katastrofën mjedisore.
Qeveria të hënën ka zhvilluar një takim me ekspertët dhe mësohet se është vendosur që të gjitha mbetjet e Durrësit do të dërgohen në landfillin e Sharrës në Tiranë.
Ndotja e mjedisit në vendin tonë është një problem i cili po bëhet gjithë e më i mprehtë, pasi nuk lidhet vetëm me Durrësin, por me një sërë skandalesh për ndotjen e lumenjve e deri te plazhet.
