Prokurori i Krimeve të Rënda, Anton Martini, ka dalë ditën e sotme sërish përpara Komisionit të Pavarur të Kualifikimit.
Martini, i cili është njëkohësisht kandidat për SPAK, është hetuar në të tre kriteret e vlerësimit.
Hetimi ndaj tij u rihap pas një denoncimi për punën e kryer si drejtues i Prokurorisë Shkodër, shkruan “Balkanweb”.
Denoncuesi ka ngritur një padi, pas dyshimeve se Martini i ka hequr dosjen hetimore disa prokurorëve, për t’ja kaluar disa të tjerëve.
Nga hetimi është konstatuar, se 10 nga 13 dosje të trajtuara më parë, i janë caktuar të njëjtit prokuror.
Përpara trupës së KPK, Martini është shprehur se disa tërheqje dosjesh janë bërë për shkak se prokurorët nuk kishin certifikatë sigurie, ndërsa në një prej rasteve ka qenë kërkesë e të pandehurit.
Martini ka drejtuar Prokurorinë e Shkodrës që nga nëntori i 2017-ës deri në qershor të 2018-ës.
“Në nëntor 2017 jam komanduar si drejtues i përkohshëm në Prokurorinë e Shkodrës. Nuk kërkova unë të isha drejtues, madje e kam kundërshtuar, për shkak të ngarkesës që kisha me dosjet. Sa isha drejtues në nëntor 17- qershor 19 u angazhova për organizimin e punës. Inkurajova oficerët e pilicisë gjyqësore. Ndërtova marrëdhënie stitucionale që ishin vënë në dyshim. U bëra pjesë e hetimit të dosjeve mbi ngjarje të rënda kriminale. Në bashkëpunim me policinë lokale rihapa disa cështje të pezulluara. Disa prej dosjeve kaluan për kompetencë në Prokurorinë për Krimet e Rënda.Në asnjë rast kur janë zëvendësuar prokurorët nuk ka patur ankesë nga ana e tyre” u shpreh Martini.
