Para dy ditësh kryeministri Rama në një intervistë për ‘Der Spiegel’, i ftoi pensionistët gjermanëqë të shijonin pensionin e tyre në Shqipëri.
Disa prej tyre kanë folur për ‘Euronews Albania’ ku kanë deklaruar se nuk kanë ndërmend të largohen nga vendi u tyre, për të ardhur në Shqipëri dhe madje as nuk e imagjinojnë një gjë të tillë në të ardhmen e tyre. Gjithashtu pensionistët gjermanë shprehen se nuk kanë informacion se ku ndodhet Shqipëria.
‘Unë nuk jam i informuar dhe ende nuk e di se ku është Shqipëria. Jam super i kënaqur në Gjermani dhe dua të jetoj vetëm në Gjermani. Unë jam 73 vjeç dhe nuk kam në plan të ndryshoj diçka. E di që gjithçka do të jetë më e shtrenjtë, por marr një pension të mirë dhe kështu nuk e planifikoj largimin’, deklaruan pensionistët.
Të tjerë thonë se e dinë, por theksojnë problematikat që ka vendi ynë.
‘E di ku është Shqipëria dhe i di pak problemet që ekzistojnë aty, por shiko, nuk e di nëse do ta besosh apo jo, por jam 82 vjeç dhe kam një eksperiencë të tillë. Nëse të rinjtë duan të shkojnë atje është gjedhja e tyre, por ne ose unë si gjerman, nuk mund ta imagjinoj’, tha pensionisti.
