Java që lamë pas për kuqezinjtë e Milanit duhet fshirë nga kujtesa pasi ishte e vështirë dhe me humbje.
Milan kishte që në muajin mars që nuk kishte pësuar një humbje, por përballja me Lille të enjten në Europa League (francezët fituan 0-3 në “San Siro”), por edhe mbrëmjen e kaluar kuqezinjtë e Stefano Piolit u frenuan në një barazim 2-2 në shtëpi kundër Hellas Verona në kampionat.
Kuqezinjtë u befasuan brenda 19 minutave me Verona që arrin të shënoj dy gola të shpejtë, por për fat të mirë ekipi i Piolit reagoj shpejt duke rihapur ndeshjen në minutën e 27-të falë një autogoli. Në momentin më të rëndësishëm të sfidës, në minutën e 65-të gaboi i pagabueshmi Zllatan Ibrahimovic. Gjigandi suedez shpërdoroi një mundësitë të pastër për të rikthyer baraspeshën teksa nga pika e bardhë e penalltisë godit keq duke dërguar topin mbi traversë.
Por ndeshja për Ibrën nuk mund të mbaronte kështu pasi në minutin 93′ suedezi arriti të shënonte golin e nderit duke i dhuruar Milan një pikë që i mban në krye të Serie A në kuotën e 17-pikëve, 2 më shumë se Sassuolo.
Pas përfundimit të ndeshjes, Ibrahimoviç tha se në ndeshjet e ardhshme nuk do ti ekzekutojë ai penalltitë pasi kjo është e treta që humb, dhe kjo mund të ketë hidhëruar dhe drejtuesit e klubit.
“Jam i acaruar pasi nuk arritëm të marrim fitoren dhe për më tepër humba edhe një penallti. Na vjen shumë keq, pasi kishim shumë raste shënimi, megjithatë e rëndësishme ishte që të mos humbnim dhe të mos humbim besimin. Pas penalltisë që humba sot, drejtuesit janë hidhëruar pak me mua, ndaj herën tjetër do lë Kessie të gjuajë, për të qenë në një situatë më të mire.”përfundon Ibrahimovic.
