Drejtoria e Forcës së Posaçme Operacionale ka finalizuar operacionin e koduar “Operacionalja 35”, i cili çoi në lokalizimin dhe kapjen e një shtetasi të kërkuar ndërkombëtarisht.
Operacioni u realizua pas informacioneve të siguruara nga inteligjenca informative dhe shkëmbimit të të dhënave me Policinë italiane.
Gjatë tij, u arrestua në Vlorë Arjan Rrokaj, 40 vjeç, i cili ishte shpallur në kërkim ndërkombëtar për trafikim të lëndëve narkotike. Rrokaj ishte dënuar nga Gjykata e Breshias në Itali me 8 vjet burgim për këtë veprim kriminal. Ai u arrestua me qëllim ekstradimin në Itali.
