I dënuar për prostuticion, kush është 46 vjeçari i arrestuar nga Elbasani

Në kërkim ndërkombëtar, Eduart (Artan) Haxhi u vu në pranga nga policia shqiptare për t’u ekstraduar në shtetin italian. 46 vjeçari nga Elbasani ishte i dënuar me 13 vite burg në Itali për dy vepra penale, përfshirë këtu dhe prostuticionin.

“Kapja dhe ndalimi i tij u bë pasi Gjykata e Apelit Torino, Itali, në datën 04.03.2008, e ka dënuar me 10 vjet e 4 muaj burgim, për veprat penale “Shfrytëzim prostitucioni” dhe “Shtyrje për prostitucion në rrethana rënduese”, parashikuar nga Kodi Penal italian”, tha Policia.

NJOFTIMI NGA POLICIA

Elbasan

Vijon puna për kapjen e personave të shpallur në kërkim ndërkombëtar.

Arrestohet me qëllim ekstradimi drejt Italisë, një shtetas shqiptar i dënuar nga autoritetet italiane.

Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën e Posaçme “Operacionale” në Drejtorinë Vendore e Policisë Elbasan dhe Interpol Tirana, pas një pune të mirorganizuar, lokalizuan, kapën dhe arrestuan përkohësisht, me qëllim ekstradimi drejt Italisë, shtetasin shqiptar të shpallur në kërkim ndërkombëtar:

Eduart (Artan) Haxhi, 46 vjeç, banues në Elbasan.

Kapja dhe ndalimi i tij u bë pasi Gjykata e Apelit Torino, Itali, në datën 04.03.2008, e ka dënuar me 10 vjet e 4 muaj burgim, për veprat penale “Shfrytëzim prostitucioni” dhe “Shtyrje për prostitucion në rrethana rënduese”, parashikuar nga Kodi Penal italian.

Veprimet e mëtejshme për këtë shtetas do të kryhen nga zyra e Interpolit Tiranë.