Një 27-vjeçar nga Kruja është arrestuar nga Policia e Durrësit, pasi ishte shpallur në kërkim për disa vepra penale.
Ai ishte dënuar nga Gjykata e Apelit të Tiranës më 26 shtator 2024, me 10 vjet burg për veprat penale “Prodhimi dhe shitja e narkotikëve”, “Shfrytëzimi i prostitucionit”, “Nxitje për përdorimin e drogës” dhe “Drejtimi i automjetit në mënyrë të parregullt”.
Arrestimi u realizua në afërsi të Kryqëzimit të Fllakës, Durrës, ndërsa materialet i kaluan Prokurorisë për veprime të mëtejshme.
Njoftimi i Policise:
Finalizohet operacioni policor i koduar “Kryqëzimi”, për kapjen e një shtetasi në kërkim kombëtar.
I dënuar me 10 vjet burgim kapet dhe vihet në pranga 27-vjeçari.
Komisariati i Policisë Durrës, në bashkëpunim me forcën e Posaçme “Shqiponjat”, në vijim të punës për kapjen e shtetasve të shpallur në kërkim, bazuar në inteligjencën policore mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Kryqëzimi”.
Gjatë operacionit, shërbimet e Policisë kanë kapur te Kryqëzimi i Fllakës Durrës, shtetasin A. B., 27 vjeç, banues në Krujë.
Ky shtetas ishte shpallur në kërkim kombëtar pasi Gjykata e Apelit të Juridiksionit të Përgjithshëm Tiranë, me vendimin e datës 26.09.2024, e ka dënuar me 10 vite burg për veprën penale “Prodhim dhe shitja e narkotikëve”, “Shfrytëzim i prostitucionit”, “Nxitje për përdorim të drogës” dhe “Drejtim automjeti në mënyrë të parregullt”, nga të cilat i kanë mbetur për të vuajtur dhe 5 vjet e 4 muaj burg.
