Para disa javësh, babai i deputetit socialist Orlando Rakipi u shpall “non grata” nga SHBA.
Ndërkohë që pritej që PS të merrte në mbledhjen e sotme një vendim lidhur me deputetin e tyre, babai i të cilit tashmë është ‘non grata’ në SHBA, ka ndodhur krejtësisht e kundërta.
Rakipi nuk u përjashtua nga grupi, madje ai dorëzoi edhe zarfin me 3 emrat që propozonte për president.
Taulant Balla gjatë fjalës së tij para deputeteve dhe në prani të kryeministrit Edi Rama. Balla tha se i respektojnë vendimet e SHBA.
Gjithashtu Balla vendosi theksin tek standartet e dyfishta duke thënë që nuk dëshiron që Partia Socialiste ta bëjë këtë gjë, me qëndrimin që mbajti ndaj deputetit, Orlando Rakipi.
“Nëse ka diçka që ne si familje politike dallohemi nga te tjerët eshte se kurre nuk kemi përdorur standarde te dyfishta. Qëndrimi yne eshte i njëjtë gjithmonë dhe ne i respektojmë vendimet e Shtetet e Bashkuara, aleatit tonë strategjik.”, mësohet të jetë shprehur Balla.
Kujtojmë se Ornaldo Rakipi në një prononcim për mediat tha se ishte i gatshëm që të linte mandatin e tij të deputetit, ndërsa këmbëngul për pastërti të figurës së babait të tij.
Ish-deputeti i PDIU Aqif Rakipi është shpallur ‘non-grata’ nga SHBA pasi akuzohet si person që kërcënon stabilitetin e Shqipërisë përmes korrupsionit, aktivitetit kriminal.
