Ditën e sotme kanë dalë detaje të reja mbi atentatin e ditës së djeshme në Tiranë, ku mbeti i vrarë 27-vjeçari, Aleksandër Sadikaj. Makina me të cilën po lëvizte i riu u hodh në erë me bombë të telekomanduar dhe sipas policisë mendohet të kenë qenë vrasës me pagesë personat që kanë vendosur bombën dhe më pas e kanë shpërthyer kur makina ka qenë në ecje. Sadikaj u nxor nga mjeti i gjallë, por i gjymtuar, ndërsa për shkak të plagëve të shumta ai humbi jetën pak minuta më vonë në spital. Nga ky shpërthim gjithashtu kanë mbetur të plagosur lehtë edhe një grua me fëmijët e saj që po udhëtonin me makinë në rrugën që ndodhi ngjarja
Gjatë këqyrjes së vendngjarjes, policia gjeti e bllokoi me cilësinë e provës materiale një armë zjarri pistoletë me një krehër pistolete te dëmtuar të cilat mendohet se i përkasin viktimës.
Specialistet e krimeve të rënda në Policinë e Shtetit dhe atë te Tiranës po këqyrin kamerat në kryeqytet për itenerarin e lëvizjes së Sadikajt.
Aleksandër Sadikaj ishte emër i njohur për drejtësinë. Ai akuzohej për një plagosje të ndodhur më 9 korrik 2019 në një plazh në zonën pranë Kanalit të Cukës në Sarandë.
Po ashtu, në bashkëpunim me një person tjetër ai ka qëlluar me thikë 3 herë në krah dhe në gjoks një 40-vjeçar nga Vlora.
