Një 48 vjeçar i cili hoqi me forcë flamurin turk nga një vendrojë detare, ka rënë në prangat e policisë. Bëhet e ditur se pas disa orësh kërkime u bë i mundur arrestimi i 48-vjeçarit, me iniciale SH.S. Theksojmë se pasi ka hequr flamurin turk, ai e ka hedhur në mënyrë demonstrative në det, ndërkohë që veprimi i tij është filmuar dhe është postuar në rrjete sociale pikërisht nga 48-vjeçari.
Njoftimi i policise:
Hoqi me forcë nga një vendrojë detare, një flamur të shtetit turk, kapet dhe vihet në pranga 48-vjeçari. Specialistët e Komisariatit të Policisë Durrës, pas disa orësh kërkime, bënë të mundur lokalizimin dhe kapjen e shtetasit Sh. S, 48 vjeç, banues në Mazrek, Tiranë. Kapja dhe arrestimi i tij u bë për arsye se ky shtetas, gjatë kohës që ka qenë në plazhin e quajtur “Gjiri i Lalzit”, ka hequr me forcë nga një vendrojë detare, një flamur të shtetit turk, të cilin më pas e ka hedhur në mënyrë demonstrative në det. Ky veprim është filmuar me celular dhe më pas është postuar në rrjetet sociale, nga ky shtetas. Shërbimet e Policisë e shpallën fillimisht në kërkim shtetasin Sh. S., pasi ishte fshehur pas ngjarjes. Pas kërkimeve nga Policia u bë i mundur lokalizimi, kapja dhe arrestimi i shtetasit Sh. S., për veprat penale “Nxitja e urrejtjes ose grindjeve” dhe “Prishja e rendit dhe qetësisë publike”.
Materialet i kaluan Prokurorisë Durrës, për veprime të mëtejshme.
