Protestuesi Sokol Bushkolaj është liruar nga burgu. Ai u arrestua për hedhjen e molotovit gjatë një proteste të opozitës para bashkisë së Tiranës. Gjykata vendosi që ai të qëndrojë në arrest shtëpiak.
Bushkolaj, 49 vjeç nga Thumana, u akuzua për disa vepra penale, përfshirë “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, “Goditjet për shkak të detyrës” dhe “Vrasja me dashje” në tentativë. Ai u arrestua më 8 maj, një ditë pas protestës së opozitës më 7 maj.
