8 gushti i këtij viti shënon plot tri dekada qëkur anija “Vlora” me rreth 20 mijë shqiptarë në bord zbarkoi në brigjet e Italisë. Në anijen që u refuzua fillimisht në portin e Brindisit, ndodheshin gra, fëmijë e burra që largoheshin për një jetë më të mirë. Pas mbërritjes në Bari dhe akomodimit fillimisht në stadiumin “Vittoria”, pjesa më e madhe e njerëzve që kishin hipur në anijen “Vlora” u dërguan sërish në Shqipëri, ndërsa rreth 2 mijë njerëz ia dolën që të qëndronin.
Edhe 30 vite më vonë, mediat italiane i kanë dedikuar shkrime e artikuj eksodit të madh, duke thënë madje se prej atëhere historia e migrimit në Itali ndryshoi.
“Tridhjetë vjet më parë, më 8 gusht 1991, historia italiane e migrimit ndryshoi: anija Vlora, e përdorur për transportin e sheqerit, hyri në portin e Barit me tetëmbëdhjetë mijë shqiptarë në bord”, shkruan Corriere de la sera teksa bën thirrje për një menaxhim të duhur të emigracionit.
View this post on Instagram
Ndërkohë, “Il post” kujton ngjarjen duke shkruajtur se për shqiptarët Italia ishte vendi për t’u arritur jo vetëm për një jetë më të mirë, por edhe për shkak të afërsisë dhe modeleve të transpetuara në televizion.
“Në muajt e mëparshëm, anijet e vogla dhe të mëdha nga Shqipëria kishin sjellë tashmë dhjetëra mijëra njerëz që iknin nga gjendja katastrofike ekonomike e vendit të tyre në Pulia. Pas përfundimit të regjimit komunist, Shqipëria ishte e izoluar politikisht, me një nivel shumë të lartë krimi, të varfër dhe të prapambetur. Qeveria e drejtuar nga Ramiz Alia, e cila në vitin 1985 kishte zëvendësuar diktatorin Enver Hoxha, kishte ndërmarrë reforma të dobëta që nuk përmirësuan gjendjen e afro tre milionë banorëve, shumica prej tyre barinj dhe fermerë shumë të varfër që nuk kishin parë kurrë vende të huaja.
Në atë kohë, për shqiptarët, Italia ishte vendi për t’u arritur për të kërkuar kushte më të mira jetese jo vetëm për afërsinë e saj gjeografike, por edhe për modelet e transmetuara në TV italian”, shkruan “Il post”.
View this post on Instagram
Ndërkohë, “La Stampa” ka vendosur që gjithë historinë ta tregojë në një podcast të quajtur “Vlora” që do të transmetohet ne faqen online.
View this post on Instagram
