Qyteti bregdetar i Vlorës pas reshjeve të shumta të shiut përgjatë javës që kaloi me një dendësi prej 184 l/m2 u pushtua nga uji duke shkaktuar dëme nëpër zonat kryesore të qytetit si: lagjia “Kushtrimi”, “28 Nëntori” , “Poradie” ,”Varoshi”, “Pavarësia” dhe “Skela”. Por dëmin më të madh e kanë pësuar lagjet e fushës së aviacionit, “Treni”, “Qole”, dhe “Pylli i Sodës” sepse gjenden në një zonë që është nën nivelin e detit nga ku mblidhen kanalizimet e qytetit. E për të larguar ujërat nga këto zona duhet të funksionojë hidrovori i Vlorës, i cili funksionon për të thithur ujin e për ta dërguar në det, mirëpo ditën e reshjeve kishte ndërprerje të energjisë elektrike dhe me datë 5 Tetor, një ditë pas reshjeve njëra nga pompat mori flakë e si pasojë specialistët kanë fikur edhe pompat e tjera deri në riparimin e defektit. E nëse ato nuk punojnë nuk janë në gjendje të tërheqin ujin nga rrugët e bllokuara duke sjellë kështu një situatë akoma më të vështirë për qytetin.
Por a ishte planifikuar në strategjinë e qeverisë Rama pjesa e kullimit në Shqipëri?
Si gjithmonë, në Shqipëri letrat janë të ndërtuara në mënyrë perfektë, ndërkohë praktika është me milje larg asaj që thuhet në letër. Qeveria Rama në vitin 2017 planifikoi në strategjinë e ujitjes dhe kullimit në Shqipëri në maj të 2017, planifikoi rehabilitimin e 14 hidrovorëve në ultësirën perëndimore të vendit 15.8 milion USD deri në vitin 2022 për rreth 15.8 milion dollarë , por deri më sot nuk janë bërë investimet e nevojshme për hidrovorin e Vlorës, duke i sjellë qytetarëve të Vlorës dëme të jashtëzakonshme.
