Hetimet për dëmet e termetit të 26 nëntorit, janë shtrirë në zonën e Freskut dhe Kamëz.
Rezulton se 140 objekte nuk kanë pasur dosje projektimi sizmik, kur janë ndërtuar.
Materialet e ndërtimit ndërkohë nuk janë shoqëruar me certifikatë teknike.
Ditën e djeshme prokuroria firmosi 38 urdhër-ndalime për ish-zyrtarë vendorë, inspektorë ndërtimi, arkitektë, inxhinierë dhe ndërtues në komunat e Farkës, Kasharit dhe në Bashkinë Vorë.
Nga këto u ekzekutuan vetëm 27 urdhër-arreste, ndërsa 11 persona vijojnë të jenë në kërkim.
Në mesin e të ndaluarve është ish-kryekomunari i Farkës, Fatbardh Plaku, i Kasharit, Besnik Fuçia, shefi i Urbanistikës në Vorë, Luan Beta dhe ish-shefi i Urbanistrikës në Durrës, Adhurim Qehajaj.
Të gjithë këta persona dyshohet se kanë ndërhyrë në strukturë duke holluar bazamentet mbajtëse, apo duke lëshuar leje ndërtimi jashtë kritereve.
Kujtojmë këtu se rreth një muaj më parë Prokuroria e Durrësit lëshoi 18 urdhër-arreste për zyrtarë, ndërtues, inxhinierë dhe specialistë, por 9 prej tyre u liruan nga gjykata.
