Lideri i opozitës në Rusi, Alexey Navalny sipas të dhënave të fundit të raportuara nga përgjimet dhe nga disa media ndërkombëtare, është helmuar me një substancë helmuese “novichok”, e përdorur nga institucionet shtetërore ushtarake ruse si dhe shërbimi sekret rus.
Sipas CNN, helmi i është vendosur tek të mbathurat e Navalnyt. Informacioni doli nga një agjent që ka qenë pjesë në shërbimin e sigurisë ruse FSB.
Opozitari Navalny ka qenë prej kohësh një “halë” në sytë e Presidentit Vladimir Putin, duke ekspozuar korrupsionin në poste të larta dhe duke bërë fushatë kundër partisë në pushtet.
Gjatë një deklaratë javën e kaluar, Putin ironizoi opozitarin duke thënë se është i pa rëndësishëm dhe nëse shërbimet ruse do donin që ta eliminonin, ata do ta kishin përfunduar punën e tyre.
Sipas investigimit të CNN, një ekip prej 10 agjentësh të FSB të specializuar në toksina, e ndoqën Navalnyn për më shumë se 3 vite, deri sa arritën që t’i vendosnin helmin tek të mbathurat e tij.
Sipas raportimit, helmimi që ndodhi në muajin gusht 2020, duket se ka ndodhur pas viteve të mbikëqyrjes, i cili filloi në vitin 2017 menjëherë pasi Navalny njoftoi për herë të parë qëllimin e tij për të kandiduar për president të Rusisë.
“Cila pjesë e veshjeve është përdorur?”, e pyet Navalny, duke përdorur një pseudonim Kudryavtsevin.
“Mbathjet”, u përgjigj pjesëtari i FSB-së.
Navalny ka kërkuar që autoritetet ruse të kthejnë rrobat e tij që ishin konfiskuar para evakuimit të tij nga Siberia në Gjermani si prova kryesore.
Hulumtimi ka identifikuar të paktën 15 operativë që duket se punojnë brenda kësaj nën-njësie klandestine të Institutit të Kriminalistikës dhe Helmet në FSB. Të paktën tetë prej tyre – përfshirë Makshakov – ishin në kontakt të ngushtë në faza të ndryshme të operacioneve për t’i shkuar mbrapa Navalnyit në ditët dhe orët para helmimit të tij.
Kujtojmë se më 20 gusht, Navalny filloi të ndihej keq derisa nga qyteti Tomsk po fluturonte për në Moskë. Aeroplani u detyrua të bënte ulje të paplanifikuar në Omsk të Siberisë.
Ai ishte dërguar në Gjermani për trajtim. Mjekët e ushtrisë në spitalin Charite të Berlinit ishin të parët që thanë se ai ishte helmuar me Novichok./Gazetareforma.com/
