Hedhja në erë e shtyllës së tensionit të lartë në Fushë- Krujë ka ngjallur reagime të forta politike dhe në vazhdën e tyre nuk kishin si të mungonin edhe deklaratat e Ministrisë së Brendshme dhe Ministrisë së Infrastrukturës
Më herët kanë reaguar Elisa Spiropaku dhe Taulant Balla dhe tani ka qenë radha e të dy zv. Ministrave të të dy dikastereve të cilët kanë thënë se shpresojë që kjo ngjarje mos të ketë lidhje politike.
“Shpresojmë që kjo ngjarje të mos ketë lidhje me politikën, edhe pse, gjuha që nxit dhunën provokon pasoja të tilla”, tha zv.ministri i Brendshëm, Besfort Lamallari, duke shtuar se kjo vepër penale dënohet me 15 vjet burg.
Ndërsa zv.ministri i Transportit dhe Energjetikës, Ilir Bejtja, e konsideroi këtë ngjarje si ‘akt terrorist’. Deri më tani policia nuk ka arritur t’i zbulojë autorët e ngjarjes.
