Zëvendëskryeministri Erion Braçe ka publikuar një status në rrjetin social Instagram, i cili njofton se ditën e sotme është hequr bllokimi i vënë nga Tatimet për resortin “Havana” në Dhërmi.
Braçe është shprehur se vendimi për të zhbllokuar Havanën është marrë nga një gjykatës i vetëm, ndërsa është hequr shiriti nga një përmbarues.
Sipas Braçës, çdo gjë ka qenë e mirëmenduar, ndërsa ka shtuar se do të depozitohet apelimi i vendimit të djeshëm si dhe kallëzimi penal.
“Ndaj, tani po depozitohet apelimi i vendimit te djeshem, tani po depozitohet kallëzimi penal per kanosje ndaj inspektoreve te tatimeve, tani po bëhet gati dosja e kësaj çështje e lidhur me gjykatën për ne komisionin e #Vettingut!”, shkruan Braçe.
Reagimi i plotë i Braçes:
Gjykata private e evazionit fiskal, Havana, kërcënimet dhe zero milimetra pas!
Nje gjykates, tek pulle nje i tille, ne nje gjyq pa lajmeruar e pa qene palet, madje ne “dhome keshillimi”, ka hequr bllokimin mbi Havana në Dhërmi.
Gjykatesi as i kishte lajmeruar Tatimet. Gjykatesi ka “gjykuar” ne gjykaten e Faktit Vlore, edhe pse kjo gjykate nuk ka kopetence mbi ceshtjen; Çështja e “Havana” në Dhërmi është lënë e Gjykatës Administrative. Me tej, nje permbarues ka hequr shiritat e bllokimit te #Havana edhe pse nuk ka vene ne dijeni Tatimet deri ne fund te orarit te tyre zyrtar. Pra, cdo gje e miremenduar, rakorduar e kryer sic deshen;
E gjitha në kurriz të interesit publik, të ardhurave të buxhetit, dëmtuar rëndë nga mos dokumentimi i vijueshëm, i përsëritur i qarkullimit tek “Havana”. Kete here edhe ne gjykaten private! Poo, tani e kam shume te qarte: Evazioni fiskal ka gjykatën e tij private, në drejtësinë e vjetër e të korruptuar! E gatshme te mbroje interesa private e te vrase perfundimisht interesin publik! Pas politikes, paralizuar nga vullneti politik per luftuar drejt evazionin e mbrojtur edhe nga politika,
#DrejtesiaeVjeter eshte e fundit qe po i del zot evazionit! Natyrisht, kjo eshte beteje e do vijoje, pa leshuar asnje milimeter! Ndaj, tani po depozitohet apelimi i vendimit te djeshem, tani po depozitohet kallezimi penal per kanosje ndaj inspektoreve te tatimeve, tani po behet gati dosja e kesaj ceshtje e lidhur me gjykaten per ne komisionin e #Vettingut! Nderkohe, nuk mbaron ketu!
