Mesa duket kryeministri i vendit Edi Rama ka harruar premtimin e dhënë sëfundmi për rritjen e pagave të mësuesve dhe pedagogëve me 15% të asaj aktuale.
Ndoshta me qëllim gjithë vëmendja e tij është përqëndruar tek pandemia dhe ndërtimet e shumta që qeveria ka ndërrmarë në disa qytete të rëndësishme të vendit.
Krahas premtimit për rritjen e pagave në arsim, një premtim tjetër i pa mbajtur është dhe heqja e taksës për bizneset me një xhiro vjetore deri në 10 milionë lekë të reja. Premtime këto që nga shumë ekspertë u cilësuan “të fryra” dhe premtime elektorale.
Sa i përket sektorit të arsimit, dështimet e Ramës, nuk ndalen vetëm te pagat, por dhe tek menaxhimi i pandemisë në këto ambiente apo zhvillimi i mësimdhënies online, që diskrimioni dhe thelloi haptazi pabarazinë mes studentëve.
Kujtojmë se kur Partia Socialiste me në krye Edi Ramën, kur erdhi në pushtet në vitin 2013, një nga premtimet ishte rritja me 5% të GDP-së për arsimin ,do të thotë që këtu përfshihen edhe pagat e mësuesve dhe pedagogëve, por edhe investimet për arsimim, për kërkime shkencore, për laboratorë.
Por a është e vërtetë rritja me 15% e pagave?
Nëse bëjmë analizën e shifrave të paraqitur nga vetë Ministria e Financave dhe Ekonomisë dhe zyra e Kryeministrit, rritja për secilën nga dy kategoritë e mësuesve të lartpëmendur nuk është më shumë se 9,6-9,8%.
Le të marrim pagën për mësuesit e 9-vjeçares.
Sipas shifrave zyrtare, mesatarisht një mësues i kësaj kategorie merr pagë bruto 65,800 lekë në muaj. Nëse i shtohen 6300 lekë paga shkon 72,100 por rritja nuk është 15%.
Llogaria është e thjeshtë: 65,800 x 15%= 9870 lekë.
Pra rritja 15% do të përkthehej në shumë lekësh në 9870 lekë çdo muaj.
Rritja rezulton afro 9,6% (72,100-65,800/65,800= 9,57)
Edhe nëse llogarisim rritjen për pagën neto, ajo nuk rezulton më shumë se 9%./GazetaReforma
