Është rihapur ditën e sotme dogana e Bllatës, e cila qëndroi e mbyllur për 4 muaj për shkak të pandemisë.Qytetarët shqiptarë e ato të Maqedonisë së Veriut kanë nisur menjëherë lëvizjen në të dy anët. Për shkak edhe të lidhjeve miqësore që kanë dy Dibrat, fluksi ka qenë paska i lartë.
Pas katër muajsh të mbyllur qytetarët kanë kaluar kufirin për punë, vizita familjare në shtetin fqinj, por ka edhe nga ata qytetar të Dibrës së Madhe në Maqedoninë e Veriut që kanë hyrë në vendin tonë për të takuar miq e shokë të cilët kishin katër muaj pa i parë, ndërsa kanë respektuar protokollin e vendosur në kufi.
“Po shkoj për punë. Punojmë në ndërtim. Shkojmë çdo tre muaj. Nuk kemi çfarë të bëjmë tjetër”, u shpreh një qytetar.
Vetë qytetarët që kanë kaluar në të dy anët e kufirit, shprehen se janë të frikësuar nga koronavirusi por kanë zbatuar të gjitha masat e sigurisë për t’u mbrojtur prej tij.Ndërkohë që u janë nënshtruar kontrolleve shëndetësore sipas protokollit të vendosur nga institucionet shtetërore.
Për hyrjen në këtë shtet nuk do të ketë asnjë kusht, as test për koronavirusin dhe as vetoizolim 14-ditor, siç ishte deri më tani.
