Situata e pandemisë ka hyrë në skenarin e radhës, teksa ne të gjithë spitalet COVID janë ezauruar shtretërit. Tashmë ka filluar hapja e spitaleve COVID nëpër rrethe për të përballuar shtimin e pacientëve të infektuar. Ministrja e shëndetësisë, Ogerta Manastriliu ka inspektuar spitalet COVID që u hapën sot në Durrës e në Shkodër. Në një postim në rrjetet sociale ajo ka bërë me dije se ka qenë në spitalin rajonal të Durrësit dhe lajmëron se në sistemin shëndetësor janë shtuar 430-630 shtretër.
Ndërkohë, më herët gjatë ditës së sotme është bërë e ditur se në spitalin COVID 2 nuk pranohen më pacientë pasi janë plotësuar kapacitetet. Pavarësisht hapjes së spitaleve në rrethe, menaxhimi i pandemsië në vendin tonë ka dështuar që prej fillimit, që me mungesën e mjeteve mbrojtëse për mjekët. Tashmë, edhe më i vështirë do të jetë menaxhimi i situatës së pandemisë në spitalet e rretheve, të cilat nuk kanë as kushtet me minimale.
Postimi i Manastirliut:
Spitali Rajonal #Durrës – Ministrja Ogerta Manastirliu me stafin mjekësor të pavionit të dedikuar COVID, ku sot nis trajtimi i pacientëve me COVID19, duke aktivizuar skenarin 1️⃣ të përfshirjes së spitaleve rajonale.
🟢 Nga 430-630 shtretër, i shtohen kapaciteteve aktuale të dedikuara për pacientët me COVID19, ku stafi është trajnuar dhe janë përfunduar investimet për sigurimin 100% të linjave të oksigjenit, pajisjet jetëshpëtuese në terapinë intensive dhe furnizimi me barnat e nevojshme.
⚪️ Nuk do të reshtin përpjekjet tona dhe të stafeve mjekësore për t’ju përgjigjur nevojave të qytetarëve, por është #thelbësor bashkëpunimi, për të ndalur zinxhirin e infeksionit.
