Një konflikt mes dy adoleshentëve ka shpërthyer në afërsi të gjimnazit “Raqi Qirinxhi” në lagjen 10 të qytetit të Korçës.
Sipas informacioneve, konflikti ka nisur fillimisht me fjalë dhe ka eskaluar në dhunë fizike, duke përfunduar me një adoleshent të plagosur në fytyrë nga grushtet e marra.
Ai ka marrë ndihmën e parë mjekësore dhe tani ndodhet nën kujdesin e mjekëve në spitalin e Korçës.
Shkaku i përplasjes mes të rinjve ka qenë për motive të dobëta, ndërkohë që policia ka shoqëruar njërin nga adoleshentët në komisariat për të dhënë deklaratën, ndërkohë, tjetri vijon të jetë në spital për mjekim.
Grupi hetimor po merr në pyetje të dy adoleshentët, ndërsa situata po shqyrtohet për të sqaruar më tej arsyet që çuan në përshkallëzimin e dhunës.
