Greqia pritet të rikthejë pensionet për minoritarë grekë në Shqipëri pas më shumë se një dekadë ndërprerjeje. Këngëtari me origjinë nga Shqipëria Christos Mastora pas një takimi me kryeministrin grek Kyriakos Mitsotakis ka bërë një status në rrjetet sociale në të cilin lajmëron se pas më shumë se një viti e nëntë muaj që i ka nisur një letër kryeministrit grek ka marrë dritën jeshile për këtë gjë. Ai shton se tashmë pritet vetëm që të miratohet buxheti i vitit 2022 për të qenë një fakt i kryer kjo gjë.
“Rreth 1 vit e 9 muaj më parë, pak para “tërmetit” të pandemisë, i shkrova një letër qeverisë, në lidhje me pensionet dhe pensionet… Deri në vitin 2010 kur më në fund mora nënshtetësinë e lakmuar greke, e cila në mendjen time ishte diçka që ata ma kishin gjithmonë borxh, isha në radhë dhe në mendje kisha një pse… Pse vëllezërit tanë nuk na njohin? Pse nëna Greqia nuk na njeh? Të njëjtën “pse” kishin edhe mijëra të moshuar që u çuditën kur u hoqën shtesat dhe u shkurtuan pensionet kombëtare.. Nuk bëhet fjalë vetëm për para, por për çmim! Pas vitesh mundimesh, dhimbjesh e përpjekjesh, është koha për të shëruar plagët e njerëzve që vuajtën në kërkim të përqafimit të atdheut… Të atdheut tonë… Ndaj sot, pas angazhimit të kryeministrit Kyriakos Mitsotakis duket se po përfundon cikli i padrejtësisë dhe se është hapur cikli i barazisë, justifikimit dhe njohjes. Sot pas bisedës që bëmë, po lundroja në një det lumturie dhe po gumëzhija nga emocioni sepse u dëgjuan zërat tanë… Faleminderit kryeministrit për ftesën dhe për bisedën e sinqertë që bëmë. Ne presim miratimin standard të votimit të buxhetit 2022,”- shkruhet në status.
Si rregull, të moshuarit që pranojnë se janë grekë përfitojnë një trajtim financiar mujor, i cili në rastin e Shqipërisë ishte 300 euro. Tashmë kjo gjë do të mund të jetë realitet pas shumë vitesh ndërprerjeje.
