Një ngjarje e rëndë dhe tragjike është regjistruar në Lassi Argostoli në Kefaloni. Mësohet se një aksident rrugor me një viktimë ka ndodhur sot në këtë zonë. Sipas informacioneve të para nga mediat greke bëhet me dije se një student shqiptar, konkretisht 17-vjecc është djegur i gjallë brenda në makinën e tij për shkak të një aksidenti rrugor.
I riu 17-vjeccar me origjinë nga Shqipëria nuk ka arritur të dalë nga automjeti pas aksidentit. Mediat e huaja greke shkruajnë se i riu shqiptar ka qenë në mjetin e tij bashkë me bashkëmoshatarët e tij. Ndërkohë sipas dëshmitarëve okularë, makina ka qenë duke lëvizur me një shpejtësi jashtë normave të lejuara.
Për shkak të kësaj, automjeti është përmbysur dhe është përplasur me shtyllat që ishin të vendosura në trotuar, përplasje e cila më pas shkaktoi shpërthimin e rezervuarit të gazit të mjetit ku ndodhej shqiptari bashkë me shokët e tij, Zjarri u përhap me shpejtësi dhe nuk kurseu as jetën e të riut nga Shqipëria. Ndër të tjera thuhet se edhe bashkëmoshatarët e të riut shqiptar ishin studentë të EPAL, Argostoli me origjinë shqiptare.
Pas raportimit të ngjarjes polici, ambulanca dhe zjarrfikësja kanë shkuar menjëherë në vendin e ngjarjes. Hetimet nga autoritet përkatëse vijojnë për të zbardhur shkaqet e kësaj ngjarje tragjike. Pasagjerët e tjerë të mjetit janë në gjendje të mirë shëndetësore, ndërsa njëri prej tyre ka pësuar vetëm lëndime të lehta.
