Gratë naftëtare të uzinës së Ballshit, vijojnë në ditën e 9-të të grevës, brenda ambienteve të rafinerisë.
Silvana Fejzaj, një nga zonjat pati probleme shëndetësore mbrëmjen e kaluar, por tashmë është rikthyer në ambientet e grevës. Ndërkohë, të gjitha gratë kanë një shëndet të rënduar, ndërsa kanë simptoma si të vjella, temperatyrë, dhimbje koke e mesi.
Gratë sidoqoftë, thonë se nuk do tërhiqen nga kauza, dhe i bëjnë thirrje kryeministrit të nisë një grup negociator, duke parë se shteti është rregullatori i vetëm.
Por, këtë mëngjes ka reaguar sërish Edi Rama për këtë çështje. Ai shkruan se do shkojë vetë tek naftëtarët, në momentin që ata vendosin të ndërpresin grevën, sepse me të tilla presione, shkruan Rama, nuk ka bisedime.
“Unë jo vetëm nuk po hesht, por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë: Dilni nga greva dhe do vij unë vetë tek ju menjëherë,” shkruan Rama.
/GazetaReforma.com/
