Grabitja e madhe e Rinasit ka vendosur në lëvizje disa nga institucionet kryesore në vend, ndërsa ditën e sotme Ministrja e Infrastruktrës, Belinda Balluku ka bërë një reagim të rëndësishëm.
Balluku ka hedhur akuza ndaj kompanisë koncesionare kineze të cilat thotë se masat që kompania ka marrë kanë qenë sipërfaqësore dhe tashmë e ka humbur kredibilitetin.
“Masat e mara nga koncesionari sipërfaqësore. Kompania kineze ka humbur kredibilitetin. Cilat kushte ka mbushur kjo kompani? Ka shpërdoruar në mënyrë brulate besimin tonë. Koncesionari nuk ka investuar në sigurinë e pasagjerëve.
Cilat kushte keni plotësuar ju? Ne kemi besuar te dialogu dhe nuk kemi dashur të bëjmë koste të reja. Tani boll, koha ka mbaruar, keni cënuar sigurinë kombëtare.”, u shpreh Balluku.
Nuk dihet se cili do të jetë hapi i radhës ndaj kompanisë, megjithatë jemi në pritje të një reagimi edhe të vetë koncesionarit që e ka marrë përsipër sigurinë e aeroportit të vetëm në vend.
