Pas një viti në kërkim, policia ka arritur të arrestojë vëllezërit Klement dhe Eldi Çala, të cilët akuzohen për grabitjen e miliona eurove në Rinas.
Operacioni u krye në bashkëpunim nga Policia Kriminale, Forca e Posaçme Operacionale, njësia speciale FAST Albania, RENEA dhe Drejtoritë vendore të Durrësit, Tiranës dhe Elbasanit.
Gjatë operacionit u përfshinë 300 forca policore.
Në cilësinë e provës materiale u sekuestruan sasi të mëdha vlerash monerate dhe automjete.
Njoftimi i policisë
Policia e Shtetit
Megaoperacion për kapjen e personave me rrezikshmëri të lartë shoqërore ne fushën e vjedhjeve me armë.
Operacioni, nga Departamenti i Policisë Kriminale, Forca e Posaçme Operacionale në Policinë e Shtetit, njësia speciale FAST Albania, RENEA dhe Drejtoritë Vendore te Policisë Durrës, Tiranë e Elbasan.
Në operacion janë përfshirë 300 forca policore.
Sekuestrohen armë zjarri, sasi të mëdha vlerash monetare dhe automjete.
Arrestohen vëllezërit Klement dhe Eldi Çala.
Vëllezërit, të akuzuar për një sërë grabitjesh më armë dhe dhunë në zonën e Rinasit dhe në aeroportin e Rinasit.
Për detaje të mëtejshme të operacionit do t’ju njoftojmë në përfundim të operacionit.
Më 9 prill të vitit të shkuar, një furgon me mbishkrimin “Hetimi Tatimor”, u fut brenda rrethimit të aeroportit të Rinasit.
Ata arritën të merrnin 4.6 milion euro nga barku i avionit “Austrian Airlines”.
Paratë i përkisnin disa bankave të nivelit të dytë në Shqipëri.
Grabitja u krye për 5 minuta dhe pak km larg aeroportit, grabitësit u përleshën me policinë.
Si pasojë e shkëmbimit të zjarrit humbi jetën, Admir Murataj, i cili konsiderohet edhe si truri i grabitjes.
