Shumica e pallateve në Durrës janë të boshatisura, si pasojë e dëmeve të shkaktuar nga tërmeti i 26 nëntorit.
Kjo situatë është shfrytëzuar më së miri nga hajdutët.
Ata kanë filluar të grabisin apartamentet, duke shqyer dyert e apartamenteve gjatë natës.
Pre e grabitjes ka rënë kompleksi “Jedas”, një nga më të dëmtuarit nga tërmeti, raporton “Balkanweb”.
Edhe pse pallati ruhej nga patrulla policie prej ditësh, hajdutët kanë shfrytëzuar mbrëmjen.
Në vendngjarje ka mbërritur policia shkencore, e cila po ekzaminon gjurmët në dyert e hyrjeve të grabitura,
Ky pallat ka 285 hyrje dhe është dëmtuar rëndë në 5 katet e para.
