Dy të rinj janë arrestuar për vjedhje nga policia e Tiranës.
Në pranga kanë rënë D.P. 17 vjeç dhe E.V., 21 vjeç.
Këta persona në bashkëpunim me njëri-tjetrin, grabitën një shtetas maroken mëngjesin e 22 shkurtit.
Të rinjtë i morën marokenit 200 euro dhe sende të tjera personale.
Marokeni kishte hyrë me dokumentacion të rregullt në Shqipëri dhe do të udhëtonte drejt Italisë.
Në cilësinë e provës materiale policia sekuestroi paratë e vjedhura dhe sendet personale.
Njoftimi i Policisë:
Vodhën me dhunë 1 shtetas të huaj, por falë ndërhyrjes së shpejtë të Policisë u arrestuan në flagrancë 2 autorët e dyshuar të ngjarjes.
Nga Specialistët e Hetimit të Krimit në Komisariatin e Policisë Nr.3, pas njoftimit të marrë nga një shtetas maroken se i kishin marrë me dhunë një sasi eurosh dhe sende të tjera në rrugën “Azem Galica”,menjëherë u organizua puna dhe falë veprimeve të shpejta dhe profesionale u bë i mundur, identifikimi , kapja dhe arrestimi në flagrancë i shtetasve :
D.P., 17 vjeç dhe E.V., 21 vjeç, banues në Tiranë.
Këta shtetas në bashkëpunim me njeri-tjetrin, në orët e para të mëngjesit të datës 22 shkurt i kishin vjedhur me dhunë 200 euro dhe sende të tjera personale shtetasit maroken K.A, i cili kishte hyrë me dokumentacion të rregullt në Shqipëri dhe do udhëtonte drejt Italisë.
Në cilësinë e provës materiale janë sekuestruar shuma e parave të vjedhura. dhe sendet personale.
Materialet i kaluan Prokurorisë pranë Gjykatës të Shkallës së Parë Tiranë, për veprën penale “Vjedhja me dhunë, kryer në bashkëpunim”.
