Deputeti i opozitës parlamentare, Myslim Murrizi, në fjalën e tij në Kuvend, ka komentuar për gjyqtaren e Elbasanit, Enkeleda Kapedani. Kjo e fundit bëri bujë për videot e saj “Tik Tok”, nga zyrat e gjykatës, ambientet e punës dhe në makinë, ku dëgjonte këngë “Mafia” dhe ekspozonte trupin e saj.
“Për Enkeleda Metanin i nderuar inspektor i lartë, nuk mund të merresh me asnjë Tik Tok. të asnjë tik-tokje apo tik-takje që është emëruar në sistemin e drejtësie. Nuk mund të merresh pasi këtu është qelbur burimi ti kërkon që të pastrosh çatitë e shtëpive.
Mua më rezulton se 50% janë persona që japin mësim dhe punojnë në zyrat e pedagogëve të tyre, ose bij e bija të gjyqtarëve që janë të shkarkuar ose të larguar nga sistemi i drejtësise.
Pasi fitojnë konkursin e veçantë këto botokset të kalojnë në vetting, me ç’fytyrë do të lejohet që i bija e një gjyqtari hajdut të jetë në krye të sistemit të drejtësisë. 13 gjyqtarë që vetëm kosto financiare, fryrje buzësh, parakolp dhe prapakolp shpenzime që shkojnë deri në 30 apo 40 euro.
Sa ka si ajo vajza. Tik Tok Katari, Tik Tok Dubai, ku i gjejnë të gjithë këto lekë”, tha mes të tjerash Myslim Murrizi.
