Gjykata e Posaçme ka vendosur të zgjasë me tre muaj të tjerë hetimet ndaj Arben Ahmetajt në lidhje me dosjen “Buka Sha”.
Kërkesa e SPAK për shtyrjen e afatit është pranuar edhe nga mbrojtja e tij. Seanca e radhës është caktuar për 2 korrik 2025.
Ahmetaj ndodhet në arrati që prej korrikut 2023 dhe është shpallur në kërkim ndërkombëtar.
Ai përballet me akuzat për “pastrim parash”, “fshehje të pasurisë” dhe “korrupsion pasiv”, për të cilat dyshohet se janë kryer gjatë kohës që ai mbante funksione publike.
Në kuadër të hetimeve, ndaj tij është nisur edhe një proces pasuror, me vendosjen nën sekuestro të disa vilave, apartamenteve dhe llogarive bankare. Në mars 2024, SPAK i komunikoi akuzat përmes avokatit të tij ligjor.
