Ambasdorja amerikane Yuri Kim ka dënuar gjuhën e përdorur ditën e sotme në Parlament ndaj grave të Kuvendit dhe shtyrjen që bëri ndaj ministres së Marrëdhënieve me Parlamentin, Elisa Spiropali duke “goditur” me këtë deklaratë në një farë mënyre kryeministrin Edi Rama. Disa orë pas “gjestit“ të tij ndaj ministres ambasadorja Kim tërhoqi vëmendjen me një postim në rrjetet e saj sociale, por pa përmendur emër kërkoi që udhëheqësit të kenë kujdes në gjuhën që përdorin ndaj kolegeve.
“Duket e nevojshme të themi sot atë që kemi planifikuar për 25 nëntor (duke filluar 16 ditët vjetore të aktivizmit kundër dhunës gjinore): Gjuha e dhunshme, degraduese ndaj grave – veçanërisht e transmetuar në televizion nga Parlamenti – është e papranueshme. Udhëheqësit duhet të jenë të ndërgjegjshëm për shembullin që ata japin,”-shkruan Kim.
Çfarë ndodhi sot në Kuvend?
Kryeministri Edi Rama, iu referua deputetes së Partisë Demokratike Jorida Tabakut, si “balona tabake”, ndërsa teksa Spiropali po replikonte me kryedemokratin Lulzim Basha, kreu i qeverisë e shtyu me dorë. Që nga ai moment, pas mesazhit të Ramës, Spiropali heshti dhe nuk replikoi më, por momenti u kap në kohë.
Gjithashtu kujtojmë se Deputetja e Partisë Socialiste, Elisa Spiropali ju rikthye momentin të spërkatjes me bojë të kryeministrit Rama në Parlament, ku ai refuzoi shaminë e ofruar prej saj. Spiropali e ka justifikuar gjestin e kryeministrit, duke thënë se gjithë atë bojë që iu hodh në fytyrë ‘nuk e lante as deti Adraitik dhe jo më shamia e saj’ e bardhë.
Ne seancen parlamentare, e prekur nga gjendja në të cilën ndodhej Rama, Spiropali ofendoi edhe deputetin Paloka me fjalët ‘qëlbësirë’ dhe ‘s’ke turp’, gjeste që tregojnë se e përjetoi mjaft keq atë moment.
