Gjykata e Posaçme ka vendosur të pushojë çështjen kundër Selim Çekajt, babait të Arbër Çekajt, i akuzuar për trafikun e 613 kg kokainë përmes kontejnerëve me fruta.
Ky vendim erdhi pas kërkesës së Prokurorisë së Posaçme Kundër Korrupsionit dhe Krimit të Organizuar (SPAK), e cila argumentoi se nuk kishte prova të mjaftueshme për të vërtetuar përfshirjen e tij në trafikun e drogës.
Gjyqtari Erion Bani, pas shqyrtimit të çështjes, vendosi të priste shpalljen e vendimit deri sa të njihej me aktgjykimin për djalin e tij, Arbër Çekajn, i dënuar për trafik ndërkombëtar të narkotikëve.
Selim Çekaj u arrestua në tetor 2021, pasi në një kontejner të kompanisë së tij u kapën 49 kg kokainë, megjithatë ai ka qëndruar i lirë deri në vendimin e sotëm, pa asnjë masë sigurie.
