Para 2 ditësh në Kinë u rrëzua një avion me 132 pasagjerë, ndërkohë që nuk u bënë të qarta shkaqet e ndodhjes së ngjarjes.
Askush nuk u gjet i gjallë në rrënojat e avionit dhe 132 pasagjerët, nga të cilët nëntë ishin anëtarë të ekuipazhit. Në momentin që avioni binte nga lartësia, e gjitha raportohet se ka ndodhur për 2 minuta, për t’u përplasur më pas në tokë me një shpejtësi prej 563 km/h.
Ndërkohë ekipet e kërkimit në Kinë, kanë gjetur kutinë e zezë të avionit China Estern.
Zyrtarët kinezë kanë njoftuar se e kanë gjetur atë pas 2 ditësh kërkime, por nuk ka asnjë shenjë nga 132 personat që ndodheshin në bord.
Kujtojmë se aeroplani i kompanisë “China Eastern Airlines” po fluturonte në lartësinë 8,800 metra të hënën pasdite kur papritur ra në një hendek në malet jashtë qytetit jugor kinez të Wuzhou.
Ekipet e shpëtimit me qen dhe dronë kanë gjetur kuleta, karta identiteti dhe pjesë të vogla të mbetjeve të avionit. Autoritetet nuk kanë dhënë asnjë indikacion se kanë gjetur të mbijetuar apo trupa njerëzish.
Pjesë të avionit janë të shpërndara në një zonë të gjerë, duke përfshirë anën tjetër të malit, tha transmetuesi shtetëror CCTV.
Fluturimi ishte nisur nga qyteti i Kunming në Yunnan për në Guangzhou në provincën Guangdong.
