Deputeti i Partisë Demokratike, Agron Gjekmarkaj ka mbajtur fjalimin në foltoren e Kuvendit, nga ku ka sulmuar qeverinë për programin që ka prezantuar për mandatin e tretë qeverisës.
Gjekmarkaj ka shprehur pakënaqësi për nismën që është ndërmarr për arsimin, ndërsa ka thënë se fundi i qeverisë “Rama 3”, do të jetë sipas tij i ngjashëm me atë të Abdyl Hamitit. Ndër të tjera Gjekmarkaj ka thënë se Shqipëria do të fitoj sepse e ka forcën për t’u përballur dhe iu ka bërë thirrje të gjithë deputetëve që “zgërdhihen” sipas tij në sallë që ta shënojnë këtë.
“Çudi e madhe është të shikosh një sundimtar të plakurn i cili nuk e kupton se durimi i popullit është vorbulla ku ai ha vetveten. Një gjë e mirë ende nuk i ka braktisur shqiptarët, ajo nuk e ul kokën, nuk dëshiron t’ia dorëzojë vendin një bande dhe banditi. Në tregun e poshtërsisë njerëzore, ky sekt, këta surratqep, që masakruan zgjedhjet dhe vullnetin, për të shtuar vilat, tenderat korrupsioni dhe sundimin. Shfaqen besimplotë se mund të vrasin edhe ndërgjegjen e e këtij vendi. Ua pamë fytyrat e shëmtuara, ua shënuam emrat kudo nëpër Shqipëri. Një ditë, jo larg, drejtësia do të vendoset. Nga kjo foltore ju bëj homazh e përkulem në shenjë nderimi para të gjithë atyre që nuk u shitën, nuk u blenë para kërcënimeve dhe parave të drogës. Shqipëria e ka në sy portretin e hajdutit, i cili mendon se u bë mbret. Të kriminelëve që kanë një emër, dhe që quhen ministra, deputetë çirakë të krimit. Shqipëria do të rezistojë, ajo do të përballet. Shënojeni këtë ju që zgërdhiheni. Kemi një pankartë të madhe bosh nga brenda, fasadë për të fshehur dështimin e arsimit të lartë. Sa lekë u dhanë për kërkimin shkencor. Kryetari i Akademisë së Shkencave, një bolshevik, që po e kthen atë në një zonë ku lëvrohen fonde dhe punësohen pensionistë të Partisë Socialiste, më vonë edhe akademikë si Ahmetaj, Ulsi Manja, Gjiknuri. Premtimi për arsimin ka qenë % e GDP kurse ai aktual është 2.5%. Infrastuktura fizike nuk garanton cilësi dhe shpesh është dëmtues për shëndetin. Kur një qeveri nuk bën atë çfarë do populli, ajo duhet larguar me gurë e hunj. Në rastin më të mirë do të keni fatin e Abdyl Hamitit.”, ka thën Gjekmarkaj.
