Kreu i Grupit Parlamentar të PS, Taulant Balla, ka mbajtur fjalën e tij në foltore, ku është shprehur se është i gatshëm të ulet me opozitën parlamentare dhe të diskutojnë propozimin për hapjen e listave në zgjedhje.
“Ne nuk kemi thënë që nuk do t’i marrim në konsideratë propozimet e kolegëve për Reformën Zgjedhore.
PS ka vetëm një kusht për këtë reformë: votën e shqiptarëve që jetojnë jashtë territorit.
Për sa i përket çështjeve që ju propozoni për hapje listash, nuk është tabu, jemi të gatshëm të ulemi e të diskutojmë”, tha Balla.
Ky i fundit ka komentuar për akuzat që i janë bërë ditën e djeshme ndaj Presidentit të Kosovës, Hashim Thaçit dhe kreut të PDK, Kadri Veseli, duke thënë se ata janë të pafajshëm.
Nuk është gjuha që duhet. Gjuha që foli zonja, nuk i bën nder asnjë deputeti të marrë nëpër gojë të tjerë në atë mënyrë dhe ku një zonjë një zonje tjetër.
Ajo që do i bënte nder çdo deputeti sot, dhe unë dua ta them, se ne si Kuvend duhet të shprehim indinjatën e thellë lidhur me akuzat ndaj Thaçit e Veselit, ku lufta çlirimtare rikthehet si fantazmë, si një mjet për të ngritur tymnajë të padrejtë përkundrejt asaj që është skalitur në historinë e kombit shqiptar si një luftë që Kosova e ka zhvilluar për çlirim, liri dhe pavarësi. në këtë këndvështrim mendoj se ne këtu duhet të flasim me një zë.
Unë nuk e besoj akuzën, jam i bindur dhe i sigurt, Hashim Thaçin e kam njohur personalisht, Ramushin, Kadriun, të gjithë udhëheqësit e luftës çlirimtare.
Ne si Kuvend, padyshim Komisioni i Jashtëm, duhet të kemi një qëndrim tonin.
Mendoj që Kuvendi i Shqipërisë të merret me çështje të tilla serioze, fjalët e urrejtjes nuk i bëjnë nder këtij institucioni.
Gjej rastin të falënderoj Edlirën, Tatjanën dhe Nimetin për atë që përfaqësojnë.
Shqipëria, Kuvendi ndaj është i tillë, sepse përfaqëson të gjitha trevat.
PS është krenare që ka brenda grupit të vet, apo në elektoratin e vet, një pjesë të madhe të komunitetit çam, por ne nuk e kemi konsideruar këtë një pjesë të fushatave elektorale.
Kjo është një çështje që zgjidhet me dinjitet kombëtar dhe jo me elektorat.
E fundit, i dëgjova me kujdes një pjesë të kolegëve për një diskutim që duhet të vijojë.
Ne nuk kemi thënë që nuk do t’i marrim në konsideratë propozimet e kolegëve për Reformën Zgjedhore. PS ka vetëm një kusht për këtë reformë: votën e shqiptarëve që jetojnë jashtë territorit.
Për sa i përket çështjeve që ju propozoni për hapje listash, nuk është tabu, jemi të gatshëm të ulemi e të diskutojmë”, është shprehur Taulant Balla nga foltorja.
