Pandemia e kosonavirusit dhe angazhimi i madh i bluzave të bardha për ta luftuar atë, ka nxjerrë në pah një tjetër problem për sektorin shëndetësor. Mjekët dhe infermierët kërkojnë më shumë para dhe trajtim për punën e gjatë dhe sfilitëse që po bëjnë.
Ashtu si në Shqipëri pak kohë më parë, edhe në Kosovë, mjekët, infermierët, mami, laborantë e profesionistë të tjerë shëndetësor të punësuar në sektorin publik, janë duke kërkuar rritje të pagesës nga 18 në 36 euro për punën që bëjnë, gjatë 12 orëve të ndërrimit të natës, fundjavës dhe festave.
Për këtë, ata i janë drejtuar përmes një shkrese Kryeministrit dhe Ministrit të Shëndetësisë, duke vlerësuar se, pagesa prej 18 eurosh është tejet e vogël krahas punës që bëhet nga ana e tyre.
Ata kanë krahasuar pagesën e tyre me të mjekëve, të cilët nga e hëna deri të enjten paguhen 59 euro, të premten 112 euro, të shtunën 166 euro dhe të dielën 121.
Madje, ata kanë bërë një llogaritje bazike se, kjo pagesë do t’i kushtonte shtetit 2 milionë euro në vit.
Ndërsa Shërbimi Spitalor i Qendrës Klinike Universitare të Kosovës nuk ka dhënë ndonjë qëndrim për këtë kërkesë.
/GazetaReforma.com/
