Ibsen Elezi ka dorëzuar sot formularin e kandidatit për kryetar të Partisë Demokratike, duke u bërë kështu kandidati i katërt për kreun e PD-së. Në një deklarat për mediat pas dorëzimit të formularit, Elezi u shpreh se vetëm nëse Basha dorëhiqet nga posti i kryetarit atëherë mund të ketë garë të barabartë në Partinë demokratike. Gjithashtu ai ka kërkuar që të gjithë kandidatët për kryetar të PD-së të kenë përfaqësues në komisionin zgjedhor.
”Vetëm me dorëheqjen e Bashës mund të ketë garë të barabartë. Kandidatët për kryetar duhet të kenë përfaqësues në komisionin zgjedhor.”- tha Elezi.
Elezi është kandidati i dytë nga “Grupi për PD-në”, pas Edit harxhit që i kërkon kryetarit aktual Lulzim Basha që të japi dorëheqjen dhe shtyrjen e datës 13 qershor. Gjithashtu kujtojmë se kandidaturën e ka dorëzuar edhe Lulzim Basha dhe Fatbardh Kadilli.
Kujtojmë se disa ditë më parë u mblodh Këshilli Kombëtar i Partisë Demokratike, në selinë blu. “Grupi për PD-në”, e ka cilësuar si masakër elektorale të Bashës mbledhjen e zhvilluar dhe ndër të tjera ata kanë shtuar se vendimi i Bashës për të mos u dorëhequr pas humbjes së zgjedhjeve të 25 prillit, për grupin “Për PD-në” tregon se shqetësimi më i madh i kryedemokratit është karrigia e tij si Kryetar i kësaj partie. Grupi për PD-në i ka shtruar edhe disa pyetje kryedemokratin Lulzim Basha.Po ashtu ditën e djeshme ata dorëzuan një kërkesë me 4 pika.
